Red Card In Cricket : कॅरेबियन प्रीमियर लीगच्या नवीन हंगामाचे सामने अजूनही खेळले जात आहेत. लीगच्या 12 व्या सामन्यात, त्रिनबागो नाईट रायडर्स आणि सेंट किट्स आणि नेव्हिस पॅट्रियट्स हे संघ आमनेसामने होते. यादरम्यान पंचांनी सुनील नरिनला रेड कार्ड दाखवून मैदानाबाहेर पाठवले. क्रिकेटमध्ये रेड कार्ड दाखवण्याची ही पहिलीच घटना आहे. रेड कार्ड आपल्याला फुटबॉल आणि हॉकीच्या मैदानावरच पाहायला मिळते. कॅरेबियन प्रीमियर लीगच्या चालू हंगामापासून आयोजकांनी नवा नियम लागू केला आहे. या कारणामुळे नरिनला बाहेर पाठवण्यात आले. यावेळी केवळ 10 खेळाडू मैदानावर मैदानात उतरले होते.
कॅरेबियन प्रीमियर लीगच्या नवीन नियमांनुसार, 20 व्या षटकाच्या सुरुवातीला गोलंदाजी करणारा संघ निर्धारित वेळेपेक्षा मागे असेल तेव्हाच रेड कार्ड दिले जाईल. लीगमधील एका डावासाठी 85 मिनिटांचा नियम निश्चित करण्यात आला आहे. याचा अर्थ प्रत्येक षटक 4 मिनिटे 15 सेकंदात संपवावा लागेल. या नियमानुसार, 19 वे षटक 80 मिनिटे 45 सेकंदात पूर्ण केले पाहिजे. यापेक्षा जास्त वेळ गेल्यास ऑनफिल्ड अंपायर गोलंदाजी करणाऱ्या संघाला लाल कार्ड देईल. तो कार्डसाठी कोणता खेळाडू निवडतो हे संघाच्या कर्णधारावर अवलंबून आहे.
नियमानुसार, रेड कार्ड मिळाल्यावर खेळाडू बाहेर जाईल आणि फक्त 10 खेळाडू क्षेत्ररक्षण करतील. एवढेच नाही तर संघाला 30 यार्ड सर्कलच्या बाहेर फक्त 2 खेळाडू ठेवता येणार आहेत. कर्णधार किरॉन पोलार्डने रेड कार्डसाठी सुनील नरेनची निवड केली आणि तो बाहेर गेला. तोपर्यंत ऑफस्पिनरने 4 षटकांचा कोटा पूर्ण केला होता. त्याने 4 षटकात 24 धावा देत 3 बळी घेतले. रेड कॉर्डनंतर ड्वेन ब्राव्होने 20 वे षटक टाकले आणि विरोधी संघाने या षटकाचा पुरेपूर फायदा घेतला. शफरन रदरफोर्डने या षटकात 3 चौकार आणि 1 षटकार लगावला. अशा प्रकारे त्याने एकूण 18 धावा केल्या.
Post a Comment